Prehrambena Industrija - Makedonija

Намалени трошоците за испитување на листерија при увоз на храна

Агенцијата за храна и ветеринарство реши да ги намали трошоците за задолжително испитување на „листерија моноцитогенес при увоз на храна. Новото решение почна да се применува од 8. овој месец.

Задолжителното лабораториско испитувања на оваа бактерија на пратките од трети земји се врши со претходно групирање на производите по вид, тип на обработка и објект од кој потекнуваат. Мострата за анализа од страна на официјалниот ветеринар или инспекторот за храна се зема од производот, кој е количински најмногу застапен.

Според Агенцијата, производите не смеат да се пуштат во промет се до добивање на лабораториските наоди, со кои се потврдува нивната безбедност.

„Агенцијата за храна и ветеринарство ќе ги следи потребите, барањата и правата на потрошувачите и операторите со храна, со единствена цел – обезбедување безбедна храна преку намалување на административните процедури и финансиските трошоци на сите вклучени во синџирот на безбедноста на храната“, се наведува во соопштението од Агенцијата.